好彩，好彩。 當見到好多人同一日收到信，琴日返到屋企無信收。 希望星期一都唔好收到！ 唔好放棄我呀…
其實係咁，我係講緊入政府。本身都係諗住既然有機會就去試下囉。每一關都有諗過唔去，因為真係好遠。但好彩最後次次都無放棄，竟然俾我一路上到見board, 而家仲收埋checking既call。
我都幾肯定係上帝一直既預備。
之前我真係無認真諗過轉工。直到最近兩個月，你話我驕生慣養都好啦，我真係覺得而家做緊既野好弱智，成件事個方向係有問題。加上我唔覺得以哩份咁既人工值得我咁ot法。 （如果哩個working hour分分鐘我返緊以前份工turnout人工仲高） 拿，工作上我只係講錢既姐，唔好再講鐘唔鐘意喇下。
所以當final in board果時，其實我都唔係好知見緊乜…因為三個月前，無諗過真係走。點知當我日日問而家返工做緊乜既時候，竟然收到真係有call！我果一刻除左緊張到食唔落飯，我仲好想問下上帝點解你可以咁醒，一早知我哩個時候會咁想走。
但係之後真係好難過。話說有employer reference check, 要俾line manager 做。而我親愛既上司賤格既程度，由佢奇低既工作能力，都就退休只係仲做緊vp2，俾唔同區彈過幾次，但仍然存在，就睇得出了。 奇葩咪就係哩d囉。
由6/7收call,到19/7先pass case 去HR. Pls, what she need to do is just upload the file and a click, she doesnt even write a word on the check. 當中我wear爛塊面既程度，已經去到如果真係無offer我都會走了。
一直俾佢拖住，人生在世心入面未試過咁擔心自己既事去到哩個地步。
但今朝一早眼光光，諗返成件事，我又覺得應該無問題。講個信字嫁咋，你都帶得我泥哩一步，唔會而家先踢我落街咁無聊既。 哩刻鐘，我真係想要，所以我已經盡力，做到既都做左，剩低既靠你啦。
得啦得啦，仲有一樣，我會俾心機食返肥啦！ （因為太stress，輕左足足7lbs，有少少擔心bodycheck）不過如果因為天生麗質，食極都肥唔返都無法啦XD
PS其實我唔係想寫咩見證，只係真係好辛苦…好想講下。（而且我從來唔會刻意咁做）
而且我好相信，佢每一日都在做佢既工作，根本唔洗刻意同人講。佢係響我地生活入面，唔係當我地提起，想起先存在。
